Mag-utod nag-ilinaway, isa nalab-an sang ispading

CADIZ CITY, NEGROS OCCIDENTAL – Imbes nga maghirupay sa pagsugod sang bag-ong tuig, isa ka mag-utod ang nag-ilinaway nga nagresulta pa paglabo sang suspek sa iya utod kagab-i sa ciudad sang Cadiz.

Nakilala ang biktima nga si Radney Langaya, 30 anyos, residente sang Had. Tagod, Brgy. Luna, Cadiz City, samtang, wala naman ginhingadlan ang iya utod nga amo ang suspek.

Suno sa biktima nga may mga las 9:40 kagab-i sa ila man lamang lugar, ini sila ang naglalisay sang iya utod.


Apang, nakibot na lamang siya siling sang biktima sang nagkuha sang ispading ang iya utod kag ini siya ang ginlabo.

Igo sa iya ilong kag bibig ang naangkon sang biktima gani gindala ini sa Corazon Locsin Montelibano Memorial Regional Hospital./dyHB BACOLOD

Facebook Comments