Mag-uuma gidunggab sa silingan nga hubog

South Cotabato—Padayon pang nagpaalim sa iyang mga samad nga naangkon ang usa ka mag-uuma human kining gidunggab sa iya ra usab nga silingan pasado alas 3:30 sa hapon sa Sitio Blit, Brgy. Ned Lake Sebu, South Cotabato.

Ang biktima giila nga si Jasper Wahing Daguoc, 37, mag-uuma ug residenti sa samang lugar. Samtang ang susek giilang si Yap Logata, legal age, silingan lang sa nasampit nga biktima.

Sa inisyal nga imbestigasyon sa Lake Sebu PNP, nasayran nga hubog ang suspek dihang nahidangat sa balay sa biktima. gikuha matud pa sa suspek ang Tsinelas sa nahisgutan ug dihang wala niya kini gihatag.


Didto na nahitabo ang panaglalis sa duruha nga miresulta sa pagpanunggab kung asa nakaangkon ug samad sa iyang tiyan nga bahin ang nahisgutan.

paspas nga misibat ang suspek human sa pagpanunggab samtang ang biktima gilayong gidala sa iyang mga kabanay sa ospital.

Gituohang tungod lang sa tumang kahubog maoy hinungdan sa pagpanunggab sa suspek ngadto sa biktima. sa karon padayon pang gipangita sa Lake Sebu PNP ang suspek samtang ginahan-ay na usab ang pagpasang-at ug kaso batok ngadto sa nahisgutan.

Facebook Comments