Mag-uuma, gitiro-patay

South Cotabato- padayon ang gihimong imbistigasyon sa Tantangan Municipal Police Station kalabutan sa pagpamusil patay sa wala pa mailhing suspek sa usa ka mag-uuma sa Barangay New Iloilo, Tantangan, South Cotabato niadtong nakalabayng adlaw.

Biktima giilang si Arlo Dasmarinas, 40 anyos, residente sa sitio libertad, New Iloilo, Tantangan.

Sa inisyal nga imbistigasyon nasayran nga igo rang gikuha sa biktima ang iyang gitugway nga kabaw apan kalit lang kining gipusil sa wala mailhing suspek unom ka higayon, igo sa iyang likod nga bahin nga hinungdan sa iyang kamatayon. Paspas sab nga misibat ang suspek padulong sa wala masayring lugar.


Away sa yuta maoy gisubay sa kapulisan nga posibling motibo sa krimen human nagpagawas ug pahayag ang pamilya sa biktima nga adunay komplekto sa luna nga giposisyonan sa nasangpit.

Facebook Comments