Patay ng nakit-an ang usa ka mag-uuma human maghikog sa Sitio Mikiwan, Barangay Bayanga ning syudad.
Naila ang biktima nga si Leonardo Dumaghan, 65 anyos, residente sa nasangpit nga lugar.
Nasayran nga naghikog ang biktima pinaagi sa pag-inum sa hilo sulod sa iyang payag.
Matud sa asawa ni Dumaghan nga si Erlinda Dumaghan, tungod sa batasan sa iyang bana nga magmaoy kung mahubog, mipalayo siya niini ug didto nagpuyo sa iyang anak.
Padayon usab karon nga giimbestigahan sa kapolisan ang kamatayon sa biktima, ilabina ang pag-inum niini og hilo.
Facebook Comments
