Mag-uuma nga niapil sa pamulawan natabunan sa yuta patay

Nakabsan sa kinabuhi ang usa ka mag-uuma nga namulawan kagahapon didto sa Purok-8, Brgy. Maibu ning dakbayan sa Butuan.
Giila ang biktima nga si Dionisio Gisulga Taghap, 52 anyos, ulitawo og residente sa lugar.
Pamahayag ni Barangay Kagawad George Tempo nga wala makabantay ang biktima sa kalit nga pagdahili sa yuta, nahulog kini sa bangag maong natabunan samtang ang duha niya ka kaubanan nga sila si Velmer Agoylo Gisulga ug Rodel Gato Gozon luwas sa maong hitabo.
Nadala pa sa Butuan City Medical Center si Taghap apan gideklara kining dead on arrival sa attending physician nga si Dr. Justin Nico Lagonoy Aspirin.
file photo…