Leon B. Postigo, ZDN-Wala na’y kinabuhi ang usa ka biktima sa dihang gidala kini sa balay tambalan human kini na kuryentihan niadtong adlawng Sabado sa may 7:30AM kapin kun kulang.
Didto kini nahitabo sa Brgy. Sipakong, Leon B. Postigo, ZDN, naila ang biktima nga si Albert Pumicpic, 35 anyos, usa ka mag-uuma residente ra sab sa mao nga dapit.
Matod pa nga aksidente kini na kuryentihan sa usa ka service drop wire nga nagbitay human kini naputol gikan sa usa ka balay nga iya ni Emma Lalim ug wala kini nabantayan sa biktima niadtong higayona.
Ang maong panimalay wala na’y nagpuyo human kini gi abandona sa tag-iya.
Igo nalang sa pagbangutan ang pamilya sa biktima.
Samtang sa laing bahin, moabot sa 36mil ang pyansa nga gitagana sa korte bugti sa kagawasan sa dinakpan human kini nasikop kagahapong adlawa.
Si Reymar Doyogan taga barangay Talinga, Leon B. Postigo, kinsa nag atubang sa kasong attempted Homicide human nalutsan ug warrant niadtong hulyo 2, 2019.
Ang mao nga dinakpan paslak na karon sa balay bilangguan aron pormal nga atubangon ang kasong gipsaka kaniya.
