Mag uuma sa Ganassi, Lanao del Sur , gipusil patay

  Patay  ang  45anyos  nga  mag-uuma,  human  kini gipusil,  alas -3:00  kapin  sa hapon  niadtong  Miyerkoles,  Pebrero  7, sa Barangay  Gadongan,  Ganassi,  Lanao  del  Sur, sa  wala masutang  hinungdan  o  motibo.
 
 
Naila  ang  biktima  nga  si  Omar  Marohomsalic  alias  SafraMale,  minyo,  lumulupyo  sa  nasangpit nga  lugar.
 
 
  Base  sa  report sa  kapulisan,  ang  pamilya sa  biktima  maoy nag- report  ngadto  sa  pulis sa  maong  panghitabo, ug  mao na  usab ang  miila  sa suspek  nga  si  Dialanie  Bongaros  alias Jack,  28,  walay trabaho,  ulitawo,  residente  sa  dapit.
 
  Gilayong  nagpahigayon  og  hotpursuit  operation  ang  kapulisan apan  wala  na masapon  ang  suspek  human kini misibat  paingon  ngadto  sa bukirang  bahin  sa  Ganassi.
 
  Nakaangkon  og  duha ka  samad -pinusilan  ang  biktima nga daling  gidala sa  pinakadoul  nga  hospital  apan  gideklara kining  dead-on- arrival  sa  doktor.
 
  Miingon  si  Chief  Superintendent Graciano  Mijares,  director  sa PNP  PRO  ARMM, nga  gi-imbestigahan  na  ang  maong kremin  alang  sa tukmang  kaso  nga  ipasaka batok  sa  suspek.

Facebook Comments