Dapitan City – Reckless imprudence resulting to double homicide and damage to property ang giatubang nga reklamo sa drayber sa truck human nangamatay ang duha ka motorista mag-uyoan nga nadasmag sa gimaneho niining truck didto sa National Highway, Brgy Polo dakbayan sa Dapitan pasado alas 3:00 sa miaging hapon.
Ang gireklamo mao nga si Wilfredo Jakosalem Canoy Jr, 28 anyos lumad nga taga Brgy Balintawak, Pagadian City kinsa maoy drayber sa Hino delivery truck kolor puti nga nagdala sa plakang PNH-491.
Subay sa nahipos nga report sa City Traffic Division sa Dapitan PNP naila ang mga biktima nga si Almar Louie Bilbis Bulagao, 29 anyos, ulitawo kinsa nagmaneho kini sa Honda beat kolor itom plaka numero 090110 ug ang uyoan niini nga si Michael Amatong Bulagao, 49 anyos nagmaneho sab sa Honda beat kolor magenta plaka numero 32903 nga polos taga barangay Sta Cruz, sakop dakbayan sa Dapitan
Migawas sa imbistigayon sa Traffic Division sa Dapitan PNP ang delivery truck gikan pa kini sa Orquita City paingon sa sentrong bahin sa Dapitan.
Samtang ang mga biktima nga gituhoan naka-inum sa illimnong makahubog kon diin nagtagsa sa pagmaneho sa Honda beat gikan sa sentrong bahin sa Dapitan paingon unta sa Barangay Oyan.
Apan pag-abot nila sa kurbadahon bahin sa dapit particular atbang sa Brgy Hall sa Brgy Polo, kalit ning overtake sa lain sakyanan apan wala kini ka bawe hinongdan nidasmag kini sa kasugat nga delivery truck.
Gumikan sa kakusog sa impak dead on the spot ang duha nga nangabagnos diha sa semtadong karsada nga polos nakahiagom ug bali sa ilang mga lawas ug pagkabuak sa mga ulo niini.
