ZAMBOANGA CITY—Ta queda ya rampante el rubada de maga motorsiclo n areas of responsibility del Sta. Maria Police Station este despues dos ya maga mujer el ya queda victima de este clase de crimen.
Banda alas 11 del noche del Sabado cuando si Tessie Villacarlos y Miro, 36, casao de Villa Rio, Pasonanca, ya aparese na Sta. Maria Police Station reportando que asegun su XRM 125 CC motorsiclo porsaomente ya saca el dos persona armao de pistola.
Na imbestigacion del pulis ta aparese que si Villacarlos ta bolbe banda alas 10:15 y cuando de llegar le na entrada del Lacasteville na Pasonanca, tiene ya dos persona muntao na otro motorsiclo el ya ataga su calsada y el ancas ya abaga y ya planta con ele un pistola y ya saca su motorsiclo.
El dos maga suspechao ya escapa llevando el vegiculo del victima.
Este ya el aca dos semegante incidente ya sosede na AOR del Sta. Maria Police Station donde el primero ya sosede na barrio de Tumaga donde el dos persona porsaomente ya saca el MIO Scooter motorsiclo del un mujer mientras plantando un pistola. – Dan Toribio
