Magahod maghampang hantog, binuno

238

CADIZ CITY, NEGROS OCCIDENTAL – Isa ka lalaki ang ginbuno sang iya kaingud balay bangud tuman ini ka gahud samtang nga nagapanahor kahapon sang hapon sa Brgy. Magsaysay, Cadiz City.

Nakilala ang biktima nga si Roberto Canete, 42 anyos, residente sang amo man nga barangay sa ciudad sang Cadiz.

Suno sa upod sang biktima nga ini sila ang nagahampang sang “hantog” kag bangud nga tuman sa ila ka gahud ini sila ang ginsaway sang kaingud balay.

Pahayag niya nga wala gid sila naglaum nga sa pagsaway sang suspek may bitbit na gali ini nga sundang kag hinali na lamang nga ginhandos ang biktima.

Nag-angkon sang pilas sa iya dughan kag tuo nga kamot kag tiil ang biktima kag padayon karon ginabulong sa Corazon Locsin Montelibano Memorial Regional Hospital./dyHB BACOLOD

Facebook Comments