MAGAPABILIN! | Capiz 1st District Rep. Emmanuel "Tawi" Billones Sr, magapapili gihapon sa pagka-kongresista kon pahanugutan sang iya partido

51

Roxas City, Capiz – Ginpahayag ni Capiz 1st District Representative Emmanuel “Tawi” Billones Sr. sa interview sang DYVR RMN Roxas nga magapapili ini sa gihapon bilang congressman sa masunod nga eleksyon kun pagahatagan sang ikaduha nga tansa sang iya partido.
Suno diri nga luyag sini nga magpabilin sa kongreso agud mapadayon ang iya pagserbisyo kag makahatag sang dugang nga proyekto kag programa para sa mga pomuluyo.
Ginpabugal pa ni Billones nga loyal kag good soldier ini sang Partido Liberal, rasun nga magahulat lamang ini sang desisyon sang partido kon bala, magapabilin ini sa posisyon bilang congressman.
Ginkumpirmar man sini nga wala pa nakapili ang partido Liberal sang ila mga kandidato sa mga local positions sa probinsya sang Capiz.

Facebook Comments