Ginlabo sang amay ang iya manak matapos natapungawan sang nagsulod ini sa ila balay.
Ginkilala ang biktima kay Efren Degala, 42 anyos sang Brgy. Dorillo, Passi City .
Samtang ang suspek ang ginkilala kay Jordan Descala Sr., 69 anyos kag stepfather sang biktima.
Suno kay Police Superintendent Norberto Delmas, hepe sang Passi City Police Station, natabo ang insidente alas 10:00 kagab-i kon sa diin nagakatulog si Descala sa ila balay sang nagsulod ang hubog nga manak.
Bangud nagtuga sang gahod , nakibot ang nagakatulog nga step father rason nga nagkuha ini sang binangon kag ginlabo ang manak.
Padayon nga ginabulong sa hospital si Degala matapos nakaangkon sang pilas sa ulo, agtang kag tuo nga tiil samtang nakahunong naman sa Passi City Police Station ang suspek.
(photo from web)
