ORMOC CITY – Duha nga bata an gintutuuhan nga nalunod ha sapa ngan namatay ha Brgy. San Pablo, Ormoc City, kakulop.
Basi han inisyal nga impormasyon tikang ha Ormoc PNP, ginkilala an duha nga bata nga hi jhonar Joseph Gonato, 9 anyos ngan an iya bugto nga hi Nerry Gonato Jr., pareho nga residente ha Purok 1 ha nasabi nga barangay.
Makusog daw an dalagan han tubig ha sapa sanglit naanod an magbugto.
An nanay han duha nga bata nga hi Jocelyn in nahipapausa pa hini nga insidente kay sumala ha iya, waray magsarit an iya duha nga anak nga mangangarigo hira upod an mga kasangkayan.
An patay nga lawas ni Jhonar in narekober ha Brgy. Bantique samtang an patay nga lawas han iya manghod in nakit-an ha Anilao River.
Facebook Comments
