Magmanghod nga Sy nagpanguna sa listahan it Forbes nga pinaka manggaranon sa bilog nga Pilipinas

30

Kalibo, Aklan — Nagpanguna rong magmanghod ngs Sy sa listahan it Forbes nga pinaka manggaranon sa bilog nga Pilipinas.
Ko nagtaliwan nga dag-on, ro andang ama nga si Henry Sy rong nagapanguna sa pwesto ag bangud nga gin mana it magmanghod nga Sy ro inaywang manggad ko andang ama hay sanda makaron rong number 1.
Ro 6 nga magmanghod nga Sy hay sanday Teresita (Sy-Coson), Elizabeth, Henry “Big Boy” Jr., Hans, Herbert ag Harley.
Nakasueod man sa top 10 rong Ty siblings it GT Capital nga ginakaeakipan it magmanghod nga sanday Arthur, Alfred, Alesandra ag Anjanette.
Pang-9 nga pwesto rong magmanghod nga may unang net worth nga $2.6 billion nga halin man sa mana nanda it namatay nga ama nga si George Ty.
Hara ro kompleto nga listahan it Top 10 nga pinakamanggaranon sa Pilipinas:
1) Sy siblings; US$17.2 billion
2) Manuel Villar; $6.6 billion
3) John Gokongwei, Jr.; $5.3 billion
4) Enrique Razon, Jr.; $5.1 billion
5) Jaime Zobel de Ayala; $3.7 billion
6) Lucio Tan; $3.6 billion
7) Tony Tan Caktiong; $3 billion
8) Ramon Ang; $2.8 billion
9) Ty siblings; $2.6 billion
10) Andrew Tan; $2.55 billion.

Facebook Comments

From Advertisers