Usa ka retired Police Major kinsa magpapili pagka bise mayor sa lungsod sa Salug, ZDN uban sa lain pang indibidwal ang giaresto sa kapulisan sa lungsod sa Salug didto sa Pucay, Salug, ZDN, kagahapon sa kadlawon sa may 2:45, Mayo 13, 2019.
Ang bise mayor nga gidakop mao si retired Police Major Sergio R Bihag, 57 anyos, uban niya si Jetro Ybañes, 38 anyos, taga Brgy. Pob. Tungawan, Zamboanga Sibugay.
Atol sa maong pagdakop nakuha sa ilang posisyon ang usa ka cal. .38 kargado kini sa lima ka buhing bala, usa ka unit sa Thompson Submachine Gun, kwarta nga moabot sa 3,043, lakip na ang gisakyang Toyota Black Hilu nagtangag sa Plaka Numero sa VZ 5600
Ang maong dinakpan anaa na karon sa buhatan sa kapulisan sa lungsod sa Salug, ug mag atubang na kini sa kasong paglapasa sa Comelec Gun ban.
