Magsaysay PNP: Kidnapping incident ‘fake news’

87
Davao City – Giklaro sa Magysaysay Municipal Police Station (MPS) nga wala’y nahitabong kidnapping incident sa ilang lugar sukwahi sa nikatag nga impormasyon sa social media nga adunay bata o Kinder nga estudyante nga nabiktima niini.

Sa interbyu sa DXDC RMN Davao kang Police Captain Harold Untalan, Acting Chief of Police (COP) sa Magsaysay MPS, gibutyag niini nga walay na-report sa ilang presinto kalabutan sa maong insidente.

Bisan pa man, gipakusgan pa sa kapulisan ang pagpatuman og hugot nga seguridad sa lugar aron malikayan ang maong mga panghitabo.

“Sa AOR nako sa Magsaysay, so far wala na may reported regarding ana (kidnapping incident). However,
gahimo mi’g mga preemption aron maiwasan namo diri in the future,” sulti ni Untalan.

Samtang, gilayon usab nga giaksyonan sa Ramon Magsaysay Central Elementary School ang nagpakatag sa sayup nga impormasyon diin naila na ang responsable niini aron kini mapasakahan og tukmang kaso.

RadyoMaN Kirby Manzon



[image: width=] <www.avast.com/sig-email?utm_medium=email&utm_source=link&utm_campaign=sig-email&utm_content=webmail>

Facebook Comments