Sultan Kudarat—Patay ang magsuon atol sa gihimong buy-bust operation sa Tacurong PNP ug sa Philippine Drug Enforcement Agency (PDEA) nga gihimo sa Barangay San Pablo, Tacurong City.
Mga namatay mao silang Basir Kamaong, 36 ug Rashid Batunan, 37, samang residenti sa Datu Paglas, Maguindanao.
Matud pang Police Supt. Joefel Siason, chief of police sa Tacurong City Police nasuta nga nikagat ang duruha sa paon sa kapulisan, apan nakamatikod matud pa ang mga suspek nga police ang ilang katransaksyon mao nga mubunlot ug armas ang usa ka suspek apan naunhan kini sa mga nag standy nga tropa nga maoy hinungdan sa ilang kamatayon.
Duha ka dagkong sachet ug duha usab ka mga gagmayng pakete sa gituohang shabu ang narekober sa posisyon sa mga suspek.
Samtang apil nga nakuha ang usa ka unit sa cal. 45, usa ka 38 revolver ingon man Marked money sa posisyon sa mga suspek.
