Gidala sa balay tambalanan ang magtiayon human mabaggaa-an ang gisakyan niining motor, alas 12:30 kapin kun kulang ang takna karong hapon sa may Roxas Avenue, Aguinaldo Street ning dakbayan sa Iligan.
Sa nakuhang impormasyon sa RMN DXIC, naila ang mga biktima, nga si Vincent Savedra ug Ruby Savedra, taga Ubaldo Laya ning dakbayan .
Matud sa mga nakasaksi nga kusog mipadagan ang usa ka Isuzu nga sakyanan nga dunay plaka numero NAA- 8316 bisan pa man nga nag stop na ang traffic light ug nabangga-an niini ang usa ka XRM nga motorsiklo.
Sa kakusog sa impact sa pagbangga, napasok sa sulod sa sakyanan ang maong motor ug nalagpot ang mga sakay niini.
Padayon ang imbestigasyon sa traffic division labot sa maong insidente samtang anaa usab sa ilang kustodiya ang maong driver.
