Davao City – Himas rehas ang magtiayon ug laing tulo (3) ka indibidwal atol sa buy-bust operation sa Philippine Drug Enforcement Agency (PDEA)-XI ug Davao del Norte Police Provincial Office sa Purok 2, Barangay San Vicente, Panabo City, Davao del Norte.
Arestado ang magtiayon nga sila Igmedio Ocba ug si Levi Ocba alas-11:15 sa gabii niadtong Miyerkules (February 24, 2021) sa maong lugar kung asa nahimutang ang ilang drug den.
Samtang, dakpan usab ang drug den visitors nga sila Norgen Maguindanao, Danny Marsamolo ug Cristituto Salada.
Muabot sa P165,000 ang kinatibuk-ang kantidad sa gituohang shabu nga nakuha sa posisyon sa magtiayon.
Mag atubang ang mga suspek sa kalapasan sa Section 5 (Sale of Dangerous Drugs), Section 6 (Maintenance of a Drug Den), Section 7 (Employees and Visitors of a Den), 13 (Possession of Dangerous Drugs During Parties, Social Gatherings or Meetings,) Section 14 (Possession of Equipment, Instrument, Apparatus and Other Paraphernalia for Dangerous Drugs During Parties, Social Gatherings or Meetings) ug Section 26 in relation to Section 5 (Attempt or Conspiracy) Article II sa Republic Act 9165 or The Comprehensive Dangerous Drugs Act of 2002.
RadyoMaN Kirby Manzon
