Magtiayon ug anak, sikop

19

Sultan Kudarat – sikop ang magtiayon apil na ang usa nila ka anak human nakuhaan ug droga ug armas atol sa gihimong search operation sa ilang panimalay sa Purok Paghidaet, Barangay Impao Isulan.

Mga suspek giilang silang si Badrudin Sumensil, 50, Bebeng Guiandal, 47 ug ilang anak nga si Aljohn, 20, pulos mga residenti sa nasangpit nga lugar.

Una nang nakadawat ug report ang kapulisan nga lambigit sa iligal nga droga ang mga nasangpit mao nga gipahigayonan ug ronda.

Nakuha sa panimalay sa mga nahisgutan ang (2) ka sachet sa gituohang shabu nga nagkantidad ug P40,000.00; kalibre .45 nga pistola, drug paraphernalia ug kwarta nga mukabat sa P16,000.00.

Kasong kalapasan sa Republic Act 9165 (Comprehensive Dangerous Drugs Act of 2002) ug Republic Act 10691 ( Illegal Possession of Firearms and Explosives) ang ipasang-at nga kaso batok sa mga suspetsado.

Facebook Comments