Magtiayong Narciso nga gireklamo sa ilang katabang, mitubag na sa mga alegasyon batok kanila

41
PC: RadyoMaN Annaliza Amontos-Reyes

Mitubag pinaagi sa dxCC-RMN Cagayan de Oro ang magtiayong Narciso human nga gireklamo sa ilang katabang sa pagpanakit.

 

Matud ni Maribeth Narciso nga iyang gisugo ang iyang katabang nga si Jenelyn Campugan nga ipabayad sa FICCO niadtong Oktubre 29, apan wala na kini makabalik hinungdan nga iya na kining gipa-blotter sa kapolisan.


 

Dugang pa ni Narciso nga iyang nasayran, nga aduna siyay mga gamit nga nawala sama sa iyang kwentas ug terno nga aryos o arites.

 

Dako ang pagtuo ni Narciso nga gidala na kini sa iyang katabang, tungod kay walay tawo sa ilang balay kondili ang iyang bana, siya ug si Campugan.

 

Samtang gikakurat ni Mrs. Maribeth Narciso ang reklamo sa iyang katabang batok nilang magtiayon.

 

Matud ni Mrs Narciso nga kung tinuod nga ilang gipasakitan ang ilang katabang,  nisumbong na unta kini sa polis human kini nga wala na mibalik sa ilang panimalay niadtong Oktubre 29.

 

Dugang pa ni Mrs. Narciso nga walo ka adlaw gikan sa pagkawala ni Campugan, ayha kini nila nadungog sa radyo ug mireklamo sa pagpanakit batok kanila.

 

Nasayran nga ang anak sa iyang katabang nga gibiyaan niini, iyang gi turn over sa amahan niadtong Oktubre 30 ning tuiga.

Facebook Comments

From Advertisers