Magueang nga babaye linagas it siyaw ko anang manghod nga eaki, manghod arestado

13

New Washington, Aklan — Kulong makaron sa lock up cell it New Washington MPS rong manghod nga eaeaki matapos na eagson it siyaw ro anang magueang nga babaye kabi sa Brgy. Pinamuk-an, New Washington, Aklan.

Nakilaea rong manghod nga si Jun Andrade, 36-anyos samtang ro anang magueang hay si Cheryl Arselon, 38-anyos tanan residente it nasambit nga lugar.

Suno kay PO1 Francisco it New Washington MPS, nga kabii hay nag-adto sa baeay ko anang magueang ro suspek ag pag-abot na ana kara nga tinimbanan ro pwertahan ko baeay ag naguba. Dayon imaw nga sumueod ag ginhana nga bun-on ra magueang nga maswerteng uwa maigo.

Uwa pa gid nakuntento ro suspek ana pa gid nga linagas it siyaw ro anang magueang.
Nangayo it bulig ro biktima ag eagi man nga gin respondehan ko mga Brgy. Tanod it barangay kaibahan si Punong Barangay. Andrew Andrade ag nadakpan rong suspek nga gin tunr over man dayon sa mga pulis pag-abot nanda.

Disidido man makaron ro anang magueang nga pasakaan it kaso ro anang manghod bangud nga permi eon lang nana raya gina himo kon nakainum.

Nasayuran nga hilong rong suspek tag matabo ro insidente kabii.

Facebook Comments