Davao City – Patay human giunay og dunggab sa iyang igsuon ang usa ka mag-uuma nahitabo alas 4:30 sa hapon didto sa Purok 12 Inayangan Calinan siyudad sa Davao.
Base sa report gikan sa Davao City Police Office naila ang biktima nga usa ka Orlando Montibon, 41 anyos samtang ang suspek mao si Leonardo Montibon, 38 anyos pareho residenti sa nasampit nga lugar.
Matud sa gihimong inbestigasyon sa kapolisan sumala sa witness nga nailang Angelo Lomotos nga nag-inom ang managsuon didto sa tindahan nga gipanag iyahan ni Josephine Lomotos ug sa dihang nahubog na ang duruha nagkalalis kini ug tungod adunay kutsilyo nga gikuptan ang suspek iyang gidunggab ang biktima tumong sa dughan.
Daling gitabang ang biktima ug gidala sa Isaac Robillo Hospital apan gideklara na kining dead on arrival.
Samtang ang suspek boluntaryo nitahan sa iyang kaugalingon ngadto kang Brgy Captain Ruta ug gi-endorsar ang suspek ngadto sa Calinan Pnp ug mag-atubang og kasong murder.
RadyoMaN Don Pulayao
