Mahalong cellphone natangag sa modus

Davao City – Nabiktima sa modus operandi ang usa lalaki human nakuhaan og cellphone nga mukantidad og 24,000 pesos sa wala mailhing mga suspek alas 10:00 sa gabii didto sa Magsaysay Ave. syudad sa Davao.

Base sa report gikan Sta Ana Pnp ang biktima mao si Mark Omandac, 30 anyos nagpuyo sa Victoria Christian Ilang ning siyudad.

Matud pa samtang si Omandac didto sa nahisgutang lugar kalit kini giduol sa suspek ug nangayo og tabang sa biktima gumikan sa problema sa iyang sakyanan.


Napugos matod pa ang lalaki og uban sa suspek sa dihang kalit mihangyo ang usa ka suspek nga ibilin una niya ang iyang salapi nga mukantidad og 10,000.00 pesos nga gisulod sa cellophane kambiyo ang maong cellphone.

Pipila ka minuto sa dihang nakalakaw na ang duha ka suspek gisusi sa biktima ang cellophane nga maoy gisudlan og salapi ug nakurat na lang ang biktima gumikan newspaper lang diay ang sulod niini.

Human sa hitabo daling nagpatala si Omandac sa Sta ana Pnp aron iya usab paimbestigahan ug ipa-review ang CCTV camera aron maindentipika ang hulagway sa duha ka suspetsado.

RadyoMaN Don Pulayao

Facebook Comments