Mahigit isang milyong pisong halaga ng iPhone 7 plus, nasabat sa NAIA

29

Aabot sa P1.35-million halaga ng iPhone 7 plus ang nasabat sa Ninoy Aquino International Airport (NAIA).

Hinarang ang chinese passenger na si Su Miaoquiao nang dumating ito sa NAIA terminal 1 sakay ng Xiamen Airlines Flight MF 819.

Ayon kay Bureau of Customs – X-Ray Inspection Project Head, Maj. Jaybee Raul Cometa, may nakitang kahina-hinalang bagay sa kaniyang bagahe nang dumaan ito sa x-ray examination.

Aniya, nang inspeksyunin ang kaniyang gamit, nakita ang 30 units na iPhone 7 plus model #A1660 na hindi idineklara ng dayuhan.

Legal naman aniya ang mag-angkat ng smartphones pero dapat itong ideklara dahil ito ay taxable.

Nilabag ng dayuhan ang Customs Modernization and Tariff Act (CMTA) at ang NTC regulation.

Pansamantala namang inilagak sa in-bond room sa terminal 1 ang mga nasabat na iPhone habang nagpapatuloy ang imbestigasyon.

Facebook Comments