Mahuyang mopalusot unta og iligal nga drugas sa Cebu City Jail pinaagi sa iyang sampot

Gidakop sa mga Jail Officer sa Cebu City Jail ang usa ka mahuyang human masakpi nga suway nga mipalusot og kontrabando sulod sa bilangoan.
Ang nadakpan giila nga si April Joy Ajoc 23 anyos nga taga B. Rodriguez street barangay Sambag 2 sa syudad sa Sugbo.
Matod ni Jail Supt. Renante Rubio Jail Warden sa Cebu City Jail nga nabantayan sa iyang mga jail officer ang suspek nga kadudahan og lihok.
Sa dihang padung na nga susihon aduna matod pa kini gipasok sa iyang sampot apan sa paghiling adunay misiwil sa lungag sa iyang sampot.
Tungod kay dili man maibot ang misiwil sa sampot tungod sa muscle control nga gihimo sa mahuyang gidala kini sa Guadalupe police station ug gipaabot nga mopagawas sa iyang hugaw.
Ganinang hapon nananghid na kini nga mogamit sa comfort room ug dinhi giatngan na sa mga police kung unsay mo gawas sa iyang sampot.
Dako nalang ang kakurat sa mga pulis nga adunay migawas nga condom nga dunay sulod nga 20 ka ampules sa nubain.
Nailhan na hinuon sa Warden kinsa ang doawon ni Ajoc sulod sa bilangoan nga lakip sa pasakaan nilag kaso.
Si Ajoc,gikatakda nga pasakaan og kaso karong adlawa

Facebook Comments