Kritikal ang kondisyon sa usa ka mahuyang human kini naoperahan tungod sa nahiagoman niining mga samad ug bun-og dihang gitabangan ug kulata sa mga lalaki sa Barangay Quiot sa dakbayan sa Sugbu . Samtang ang pamilya sa biktima nga si Noel Radaza nangayo na ug tabang sa lokal nga kagamhanan sa syudad , alang sa situwasyon niini , ug aron usab magukod ang uban pang mga suspek nga nikulata kaniya . Usa sa mga suspek nga si Clifford Gimenez , 18 anyos nisurender sa niaging adlaw ngadto sa Barangay Kapitan nga si Francis Espares sa Quiot samtang aduna pay laing pito ka mga lalaki ang padayong gipangita karon. Nahitabo ang pagkulata sa biktima niadtong Lunes sa kadlawon sa Upper Genes sa maong barangay. Ang mga suspek nga nag-inom nanawag sa biktima nga uban niadtong tungora sa laing upat ka mga mahuyang , apan giingon nga nasuko ang usa sa mga suspek sa ilang presensiya hinungdan nga nakulatahan ang biktima . Si Radaza maoy gitabangan ug kulata sa mga suspek kay nakadagan ang uban nga mga mahuyang. <www.avg.com/email-signature?utm_medium=email&utm_source=link&utm_campaign=sig-email&utm_content=webmail>
