Jamindan, Capiz- Kapin sa 245 ka mga panibag-o nga mga recruits ang igapaidalom sa tatlo ka bulan nga masangkaron nga training sa Candidate Soldier Course kalakip ang Jungle Warfare Mountain Operation Course ukon JWMOC.
Sa ginpatigayon nga opening ceremony kag reception rites sang nakaligad nga Marso 14, 2018, ginsiling ni Brigadier General Francisco V. Delfin, Assistant Division Commander, 3ID, gindesignar ang amo training agud i-transform ang isa ka sibilyan padulong sa isa ka disiplinado nga katapo sang militar.
Ang 245 ka mga aspirants sa idalom sang CSC Class 533-18, ang hanason sa bulig sang training staff sang 3rd Division Training School (3DTS) agud nga ma-adoptar sang mga ini ang mga military doctrines, polisiya kag subong man Standard Operating Procedures (SOPs). Antes sini, nag-agi anay sa maid-id kag strikto nga selection process nga gin-set sang Philippine Army ang amo nga mga recruits nga ginalakipan sang physical, medical, neurological kag psychological examinations.
tags:Visayas,Roxas,DYVR,DYVR657,Capiz,Jamindan,3rd ID,Candidate Soldier Course
