Makalolooy nga sitwasyon sang merkado kag slaughterhouse imbestigaran sang city council

ILOILO CITY – Magaconduct sang legislative inquiry ang city council sa makalolooy nga sitwasyon sang slaughterhouse kag mga public markets sang syudad.

Ginduso ni city councilor Armand Parcon ang imbestigasyon sa iya privilege speech sa ti-on sang session sang city council.

Nagapati si Parcon nga may mismanagement nga nagakatabu sa merkado kag ihawan sang syudad.


Lakip na diri ang mga jobhires nga nagatrabaho apang wala sang job orders.

Kulang man sa tawo ang slaughterhouse gani indi nila ma maximize ang numero sang baboy kag mga baka nga maihaw.

Sa karon halos 150 lang ka baboy ang maihaw kag pila ka mga baka bangud sang problemado nga pasilidad.

Nagaresulta ini sang backyard nga pag-ihaw sang mga baboy nga makatalagam sa ikaayong lawas.

Photo from web

Facebook Comments