Malacañang ginatugyan sa PNP ang pag-usisa sa involvement nanday Ebreo, Tan kag 4 ka mga pulis sa druga

BACOLOD CITY – Ginatugyan na lamang karon sang Palasyo sa higher command ang pag-imbestigar sa kaso sang isa ka opisyal sang Bacolod City nga nalakip sa drug watchlist sang Philippine Drug Enforcement Agency – PDEA.

Ini ang ginpahayag ni Presidential Spokesperson Salvador Panelo matapos ginbuyagyag ni Pres. Rodrigo Duterte ang involvement ni Bacolod City Councilor Ricardo ‘Cano’ Tan sa illegal nga druga.

Madumduman nga gin-siling sang presidente nga si Coun. Cano Tan amo ang druglord nga gina-proteksyunan sang ginpahalin sa pwesto nga si anay Bacolod City Police Office, city director PS/Supt. Francisco Ebreo, Jr.


Angut sini, ginpahayag nga nagasugod naman ang imbestigasyon batuk kay Ebreo kag sa apat ka iban pa nga mga police officers nga damlag pa gin-akusahan man sang pangulo nga imbulbado sa illegal nga druga.

Nahibaluan nga kalakip ni Ebreo nga ginapa-usisa kag igapa lifestyle check amo sanday S/Supt. Allan Rubi Macapagal, P/Supt. Richie Makilan Yatar, P/Supt. Nasruddin Daud Tayuan kag S/Insp. Victor Paulino./dyHB BACOLOD

Facebook Comments