Malampusong DAVRAA gipaniguro

Davao City – Gitinguha sa Department of Education XI ang malampuson nga DAVRAA 2018 nga opisyal nga ablihan karong Pebrero 18 adlawng Dominggo sa University of Mindanao.

Matud sa tigpamaba sa DepEd Jenielito Atillo doble ang paningkamot sa lokal nga panggamhanan ug sa DepEd Davao Region aron makumpleto ang tanang panginahanglanon sa mga delegado niining dako nga katikaran.

Giawhag ni aAtillo ang mga representante nga ipadangat dayon ang ilang mga concerns aron dali kini matubag sa mga opisyales.


Busa usa sa mga gitutukan karon ang doble nga seguridad sa billeting areas aron malikayan ang insidenteng kawat sa mga kagamitan sa mga atleta.

Subay usab niini adunay mga personahe sa Davao Light and Power Company nga naka-standby sa mga headquarters kung magkaaberya man sa kuryente.

Gibutyag ni Atillo daghang delegado na ang mangabot karong adlawa gikan sa mga kasikbit nga lugar sa Davao City.

RadyoMaN Aimee Guinita

Facebook Comments