Malapatan LGU, anaa na sa 3rd wave sa paghatag ug ayuda sa ilang katawhan

9

Malapatan, Sarangani Province—Gikumperma ni Malapatan, Mayor Jun Sumbo nga anaa na sila sa 3rd wave sa Paghatag ug relief goods ngadto sa ilang katawhan.

Sa 3rd wave wala na nahatagan kadtong mga nakadawat ug pinansyal nga ayuda gikan sa Social Amelioration Program kon SAP sa DSWD.


Ilang giprayoridad ang mga katawhan nga wala nakadawat ug SAP, inisyatibo kini sa lokal nga panggamhanan aron lang nga mahatagan ug tabang ang tanang katawhan sa maong munisipyo. Tig-tunga sa sakong bugas ug usa ka tray sa itlog ang ilang uwahing gipanghatag.

Samtang paningkamutan usab sa lokal nga panggamhanan sa Malapatan nga sa sunod nilang pagpanghatag ug ayuda sa ilang katawhan maapud na ang tanan binipisyaryo man sa SAP o dili.

Facebook Comments