General Santos City–Walay pagduha-duha nga giangkon ni Bonbon Quiño, Municipal Information Officer sa sa Malapatan, Sarangani Province nga nagpositibo sa Swab Test ang ilang Mayor.
Matud niini nga kasamtangang naka-confine sa pribadong tambalanan dinhi sa Gensan si Malapatan Mayor Jun Sumbo. Stable matud pa ang kahimtang karon sa Mayor apan nakasinati kini og ubo nga gituohang simtomas sa corona virus.
Giklaro usab niini ang impormasyong dunay konsehal sa munisipyo nga nagpositibo sa covid 19, tungod negatibo matud pa kini.
Pagpaklaro ni Bonbon nga walay Municipal Councilor nga natakdan apan aduna lay mga opisyal nga gikatakdang ipailawom sa test.
Kini isip kabahin sa proseso og gumikan na-expose usab sila ni Major Jun Sumbo kung asa gikabalak-an nga basin natakbuyan usab sila sa maong virus.(JB) v
