Malaybalay Christmas lighting, fireworks gidumog sa libuan ka tawo

29

Malaybalay City, Bukidnon – Libuan ka mga tawo ang nagtapok sa Plaza Rizal atol sa gihimong switching-on sa Christmas lights nga gisundan sa usa ka grand fireworks display.

Gipangunahan ni City Mayor Ignacio W. Zubiri ang seremonya uban ang mga konsehales sa siyudad sa Malaybalay nga gipangunahan ni City Vice Mayor Roland F. Deticio.

Matud ni Mayor Zubiri nga nahimo nang na-andan ug tradisyon sa dakbayan ang mao nga kalihukan sulod sa daghang katuigan.

Gikonsidera usab sa local chief executive ang Disyembre isip “month of Love.”

Atol niini, gi-anunsiyo usab ni Zubiri nga magsugod na usab ang month-long gift giving program nga gihimo na sa nakalabay nga walo ka tuig nga gi-uluhan ug “Pamaskong Handog,” pinaagi sa paghatag ug mga gift packs sa mga kabus nga pamilya sa nagkadiayang komunidad sa siyudad.

Karong tuiga kinatibuk-ang, 27,270 ka pamilya ang makapahimulos sa pamaskong handog.

Samtang dungan sa mao nga kalihukan pormal na usab nga gibuksan ang “Kasadya Sa Freedom,”.

Facebook Comments