Gikompirma kini sa administrator sa iyang Facebook account takna alas 6:30 sa kagabie.
Mipadangat og mga pahisubo ang mga higala sa Mayor ngadto sa pamilya pinaagi sa social media.
Na-admit si Mayor Flores sa Cagayan De Oro City adtong Pebrero 7 human nga matakbuyan sa Covid-19 sa ikaduhang higayon.
Sa iyang Facebook page, gisulti niini nga kinahanglan niyang maconfined sa balay-tambalan gumikan sa virus nga nanginahanglan og intensive monitoring.
Si Flores, usa ka physician, nagsilbi isip Vice Mayor sa Malaybalay sa wala pa kini hingpit nga mahimung siyudad. Una siya nga napili pagka-Mayor tuig 2001 pinaagi sa landslide victory batok sa late former Congressman Warly Tilanduca.
Nakompleto ni Flores ang tulo ka termino sa pagka-Mayor sa dakbayan sa wala pa kini mahimong Kongresista sa ikaduhang distrito sa Bukidnon gikan 2010 hangtud 2019.
Soble kini nga nahimong Mayor adtong 2019, samtang iyahang anak nga si Atty. John Flores ang mihulip sa pagka-Kongresista sa ikaduhang distrito.
