Laing prestihiyusong pasidungog ang nakuha sa siyudad sa Malaybalay.
Kini human nga nahimong first place sa Region 10 isip Best City Disaster Risk Reduction And Management Council (CDRRMC) sa component City category.
Pormal usab kini nga gipresenta ni Mayor Ignacio W. Zubiri ngadto kang CDRRMO Alan Comiso atol sa second Monday convocation program kagahapon bag-ong City Hall, City of Malaybalay.
Una nang gitunol sa Regional Disaster Risk Reduction and Management Council – Region 10 ang Gawad Kalasag award kaniadtong Agosto 10, 2017 sa Cagayan de Oro City atol sa National Disaster Resilience Culmination ug Gawad Kalasag Awarding Ceremony.
Ang Gawad Kalasag nag-ila sa siyudad sa maayong pagdumala ug pagpatuman sa programa kalabot sa disaster risk reduction and management alang sa tuig 2016 nga naglangkob usa upat ka mga butang ilabina ang ka-andam ug ang kapasidad sa hulga sa kalamidad, ang commitment niini nga pahugtan ang mga mekanismo ug pagsiguro nga mas ubos ang risgo sa kalamidad sa komunidad.
Alayon niini nahimong national entry ang Malaybalay sa Gawad Kalasag alang sa Component City Category.
Samtang nakuha usab sa Bukidnon National High School ang first place isip Gawad Kalasag – Best Urban Public School sa Region 10.
