Mall sa Bajada nasunog

Davao City – Nasunog ang usa ka pizza house sa may upper ground floor sa usa ka mall nga nahimutang sa may J.P Laurel Avenue Bajada siyudad sa Davao.

Sa interview sa DXDC RMN Davao ngadto kang SFO1 Tereso Oyzon sa Bureau of Fire Protection, miingon kini nga nagsugod ang kalayo gikan sa exhaust sa maong establisemento ug paspas nga mikanit ang kalayo sa kisami mga bahin.

Matud ni Oyzon nga ila pang ginaimbestigahan ang hinungdan sa maong sunog ug kung ginalimpyohan ba ang exhaust sa maong kan-anan.


Giingon ni Oyzon nga walay casualty o nasamdan atol sa sunog samtang ginaimbestigahan usab nila kung pila ang damyos sa maong sunog.

Nasayran nga nagsugod ang sunog alas-4:50 ug gideklarang fire-out kini alas 5:55 sa hapon.

Subling nagpahimangno si Oyzon ngadto sa mga establisemento nga nagaluto kinahanglan ipadayon ang paghinlo sa usina apil na ang exhaust aron malikayan ang sunog.

RadyoMan Don Pulayao

Facebook Comments