Mamanwa nianib sa NPA patay sa encounter

Nasuta nga usa ka Indigenous People (IP) nga sakop sa tribong Mamanwa ang membro sa New Peoples’ Army (NPA) nga napatay atol sa 30 minutos nga bakbakan tali sa tropa sa goberno didto sa Sitio Puyawon, Brgy. Mahanub, Gicaquit, Surigao del Norte.
Naglusad ug focused military operation ang tropa sa 30th IB Phil. Army sa bukirang bahin sa lungsod sa Gicaquit gumikan sa nadawat nga tahu nga adunay presensya sa mga NPA nga nangilkil sa mga katawhan diin naghatud ug kalisang sa komunidad.
Bandang alas 10 ang takna sa buntag, nasugat sa kasundaluhan ang mga NPA hinungdan sa pagbusikad sa engkwentro.
Sa gihimung clearing operation, nakuha sa kasundaluhan ang patay’ng lawas sa usa ka lalaki nga wala pa maila ug tupad niini ang M16 rifle, tulo ka magazines nga puno sa mga bala, usa ka anti-personnel mine, usa ka blasting cap, 5 meters nga wire, 5 meters nga utility rope ug mga personal nga gamit.
Tungod niini, padayong nanawagan si BGen. Franco Nemesio Gacal, division commander sa 4th ID Phil. Army ngadto sa mga NPA nga mosurender aron pahimuslan ang E-CLIP nga programa sa goberno. Local news:
Sent from my Samsung Galaxy smartphone.

Facebook Comments