Kapin 30 ka basurero sa CdeO nga nanghakot og basura sa Tagoloan, gipriso

27
PC: RadyoMaN Jao Gumapac

Mokabat sa kapin 30 ka mga basurero sa Upper Dagong, Carmen ning syudad ang napriso sa lungsod sa Tagoloan human nasapon nga nangawat og basura sa Verde Soko nga gitambak sa Sitio Buguac, Barangay Santa Cruz, Tagoloan, Misamis Oriental.

 

Usa sa 30 ka mga suspects si Gloria Ayopa, 56 anyos.


 

Mga alas dos sa hapon kagahapon si Ayopa ug mga kauban nasapon sa akto nilang Mayor Gomer Enan Sabio ug mga police sa Tagoloan nga nangaykay sa basura sa Verde Soko kay ilang ipatimbang sa Junk shop sa Cagayan de Oro.

 

Ang Bureau of Customs maoy silbing complainant kay ang maong mga Basura ubos man sa custody sa BOC.

 

Sulod sa ilang silda mihilak ang maong mga scavengers  sabay sa ilang pag-ingon nga walay ilang sala sa pagpangawat.

 

“Ang sala ragyud namo ang among kapobrehon, wala mi mangawat sa basura” matud ni Ayopa.

 

Matud ni Ayopa nga gitogotan sila sa guard sa Sitio Buguac nga maoy nagbantay sa mga basura nga gitambak sa area sa Phividec.

 

Naghilak nga naghangyo si Ayopa ug mga kauban sa Bureau of Customs nga ipagawas sila sa ilang silda ug dili ipadayon ang pagpasaka sa kasong theft baok kanila.

 

“Hangyo lang unta mi sa Bureau of Custom sa Mayor, sa gobernador nga ipagawas lang mi dinhi kay namasura gani mi kay pobre kami, prisohon na noon kami” matud ni Ayopa.

Facebook Comments

From Advertisers