Dipolog City – Balhog karon sa prisohan ang magnag-live-in partner human nadakpan sa hiniusang drug buy bust operation sa City Drug Enforcement Team sa Dipolog PNP ug PDEA-IX alas 9:50 sa niaging gabii didto sa Purok 3, Barangay Sta.Isabel ning siyudad sa Dipolog.
Subay sa report gikan sa Dipolog PNP naila ang dinakpan nga mao si Charlie Vallecer Vidal, 47 anyos ug ang live in partner niini nga si Mary Jane Elnas Sumampon, 37 anyos nga parehong nagpuyo sa Prk. Buli, Brgy. Minaog sakop ning siyudad.
Sumala pa sa kapolisan nga ang duha polos nagsurrender sa oplan tokhang sa miagiang tuig apan sa gihimong monitoring padayon sa gihapon nagpayuhot sa illegal nga droga.
Hinongdan gikasa ang buy bust operation, atol operasyon usa ka ahente sa operatiba ang nagpailang poseur buyer gamit ang P500.00 buy bust mark money ug kambiyo ang usa ka sachet nga gituohang shabu hinungdan sa pagkaaresto sa duruha.
Narekober gikan sa ilang posisyon ang lima ka small transparent plastic heat sealed sachet nga adunay estimated street value nga P2,500.00.
Samtang nakuha usab ang usa cellphone nga maoy gigamit sa iligal nga transaksiyon, usa ka desposable lighter ug kwartang P250.00 pesos nga proceed money.
Sa kasamangan gihikay na sa kapolisan ang kasong kalapasan sa RA 9165 kon Comprehensive Dangerous Drugs Act of 2002 batok sa duha ka dinakpan.
