Manager, driver gikawatan

Davao City – Gibanabanaan sa P300,000 nga salapi ang nakawat sulod sa usa ka mall nahimutang sa may dalang Bolton ning dakbayan sa Davao hinungdan mipatala sa San Pedro PNP ang usa ka Operation Manager nga si Maria Perater, 45 anyos, nagpuyo sa may Catalunan Pequeño ning dakbayan sa Davao.

Matud pa iyang gireklamo ang iyang igsuon nga maoy responsable sa pagpangawat naila’ng si Atillano Manug, 29 anyos, nagpuyo sa may Magallanes St. Brgy. 2-D ning dakbayan.

Sumala ni Perater nga niadtong milabay’ng bulan sa Hunyo sa dihang nagpahigayon kini og inventory ug pag-audit sa halin nadiskobrehan nga nakulang ang kwarta lakip ang ipangsweldo sa mga empleyado sa maong mall.


Atol sa iyang pagsuta sa video nga gimuntar sa drawer, nakit-an ang suspect nga maoy nagkuha sa maong kantindad sa salapi diin ikaduha ka higayon na kini nangawat – July 10 alas 7:00 sa buntag ug July 11.

Nagtuo si Perater nga nagpaduplicate og susi sa maong hunos ang suspek kinsa maoy iyang gigamit sa pag-abri.

Daling nasikop sa kapolisan ang suspek apan sa pag-abot sa San Pedro PNP nagkaareglo ang managsoon ug nagsaad ang suspek nga iyang bayran ang gikawat samtang ang kaso giduso na barangay level.

Sa pikas bahin, biktima usab sa pagpangawat ang usa ka taxi driver hinungdan nga natangag ang mahalon nga gamit lakip ang dakong kantidad sa salapi natigayon alas 3:00 sa kaadlawon sulod sa iyang taxi nga gimanihuan nahitabo didto sa may dalan Leon Garcia siyudad sa Davao.

Sa report gikan sa Sta Ana PNP, naila ang biktima nga si Danilo Gayak, 38 anyos, nagpuyo sa Doña Teresita, Cotabato City samtang ang suspetsado padayon pang ginatugis sa otoridad.

Matud pa sa dihang namasahero si Gayak wala niya mabantayi nga ang iyang salapi nga mukantidad og 2,000.00 pesos diin gibutang sa atubangan sa taxi apil ang iyang cellphone nga mukantidad og 10,000.00 pesos, ug lain pang usa ka cellphone nga mukantidad og 15,000.00 pesos natangag na sa suspek.

Nagtuo si Gayak nga giunay ra og kawat sa iyang pasahero niadtong tungora diin iya nalang namatikdan nga paspas nga mikanaug ang iyang pasahero padulong sa Carpenter sakop sa nahisgutang barangay.

RadyoMaN Don Pulayao

Facebook Comments