Managkalahi nga insidente sa kawat, natala sa kapulisan

Davao City- Nisiaw na sab ang mga kawatan partikular sa area of responsibility sa San Pedro Police Station ning dakbayan.

Subay sa report gikan sa blotter, upat na ka mga tao ang nabiktima sa kawat nga mao sila si Daniel Alfonso Dodds, 52 anyos, human gikawat ang iyang assorted clothes natigayon sa Bankerohan.

Laing biktima sa pagpangawat si Rian Sano, 32 anyos, human gikawat ang iyang mountain bike nga mokantidad og 3,500.00 ka pesos samtang giparking sa tugkaran sa iyang balay sa Bolton.


Ikatulong biktima mao si Benjie Galinzuga, 19 anyos, human gikawat ang iyang pouch sa Malvar St. nga dunay sulod cash nga mokantindad og 4,000.00 ka pesos; ug ang ika-upat nga biktima si Sierra Mae Joven, 36 anyos, human gikawat ang iyang travelling bag nga euro star, mokantidad og 2,500.00 ka pesos. Apil pa nakawatan og iPhone 6 nga mokantidad og 64,000.00 ka pesos ug DVD player nga mokantidad og 3,000.00 ka pesos ang iyang amiga nga si Ruby Lyn Guegillo.

Sagad sa mga nabiktima sa kawat, wala mailhi ang mga kawatan. Samtang gipahimangnuan nalang sa kapulisan nga ipareview ang mga CCTV aron masayran o ma-trace up kun kinsa ang mga suspetsado nga sagad nagapanghilabot og mga butang partikular ningdakbayan.

RadyoMan Don Pulayao

Facebook Comments