Managlahing operasyon sa PNP duha sikop tungod sa paghupot ug armas.

66

Sikop ang usa ka wanted sa gihimong manhunt operation sa kapulisan sa La libertad, didto sa may Sitio Maruk, Brgy. Mercedes, La Libertad, ZDN kagahapong adlawa.

Naila ang naaresto nga si Bernabe Cabanlit Alardi alyas Bernardo Alardi, 49 anyos, nagpuyo sa nahisgutan nga barangay.

Naaresto kini tungod sa kasong Robbery human migawas ang warrant gikan sa MCTC Piñan-La libertad, 9th Judicial Region, Br. 001, penetsahan kini ug Oktubre 17, 2018, ilawom sa CC no. P-3220, ug adunay pyansa sa kantidad nga P12mil.

Nakuha usab sa posisyon sa dinakpan atol sa gihimong operasyon ang usa ka caliber .22, usa ka home made Shotgun, usa ka Airgun, mga bala ug mga gamit nga iya sa sundalo ug kapulisan.

Samtang sa laing bahin sikop usab si Julkiram Batting Ongo, nga taga Brgy. Canuto Enerio, Gutalac, ZDN, naaresto kini sa mga personahe sa 14th RDC, Ist ID, PA nga naka base sa Charlie Coy, 42IB, ID, PA samtang naghimi kini sila ug checkpoint sa may dalang nasyunal Brgy. Osukan, Labason, ZDN tungod sa paghupot ug armas.

Sa gihimong pagimbistiga, gibutyag sa kasundaluhan nga adunay kadudahang lihok si Julkiram, hinungdan nga giduol kini ug didto nkita nga adunay armas nga .45, gipangutana kung nganong nagdala ug armas.

Ang suspetsado walay mapakita nga papeles sa iyang armas, ug diha-diha gisikop kini.

Nakuhaan kini ug Granada lakip ang armas ug mga bala, apil ang mga personal nga gamit niini. Ang duha ka mga dinakpan mag atubang kini sa paglapas sa Section 28 of Republic Act 10591 (Illegal Possession of Firearms and ammunition).
www.avast.com/sig-email?utm_medium=email&utm_source=link&utm_campaign=sig-email&utm_content=webmail>

Facebook Comments