Managsoon nagdingunggabay, pasahero nadunggaban

Davao City – Patay ang usa ka manghod human dunggaba sa maguwang sa lungsod sa Sulop Davao del Sur alas 8:30 sa gabii.

Nag-inusarang samad dinunggaban sa likod ang mikutlo sa kinabuhi ni Jay Pausal, 18 anyos, human lubaa sa maguwang nga si Roland, 19 anyos, pulos nagpuyo sa Purok 2 Brgy. Labon sa nasangpit nga lungsod.

Migawas sa imbestigasyon sa Sulop Municipal Police Station nga sa wala pa mahitabo ang krimen nag-inum pa ang magsoon ug dihang pareho hubog na nagkalalis ang duha.


Misangko sa kaguliyang ang ilang away hangtud misangko sa pagpangdunggab sa magulang ngadto sa iyang manghud resulta sa hinalaling kamatayon niini.

Sa wala pa miabot ang kapulisan sa crime scene, nakasibat na ang suspetsado busa naglusad na karon og manhunt operation ang mga otoridad aron sikopon ug patubagon ang maguwang sa pagpatay sa iyang igsoon.

Ang patay’ng lawas sa biktima gidala na sa Collado Funeral Parlor alang sa mortem examination nga himoon sa atong kapulisan.

Sa pikas bahin, usa ka pasahero sa public utility jeepney (PUJ) ang gidunggab sa wala mailhi nga suspek sa dalang Magallanes ala 1:00 sa kadlawon.

Matud sa driver sa PUJ nga dunay ruta nga Buhangin nga kalit lang dunay nagdagan paingon sa iyang sakyanan ug kalit giluba ang iyang pasahero nga si Jerry Malate, lumad sa Manadaluyong City, samtang naglingkod sa front seat.

Wala makalihok ang driver samtang gidunggab sa suspek ang iyang pasahero.

Gisuwayan og hatud sa driver si Jerry sa SPMC apan de malas tungod kay sa dalan pa lang kabsan na sa kinabuhi ang biktima.

RadyoMaN Joel Viray

Facebook Comments