Didto sa Zamboanguita sa Negros Oriental napalgan ang patay`ng lawas sa usa ka mananagat nga unang gipanawagan sa DYHP sa iyang pamilya nga namissing niadtong Lunes , Pebrero 5.
Ang kapolisan sa maong lugar nitaho labot sa pagkakaplag sa patay`ng lawas ni Edgar Jadraque, nga usa ka konsehal sa Barangay Poblacion 1 ,lungsod sa Malabuyoc sa habagatang Sugbu.
Si Jadraque adunay kauban nga si Paolo Jorolan sa ilang pagpanagat niadtong Pebrero 5 apan namissing dihang natikyaob ang ilang gisakyan sa kadagatan sa Ginatilan ug Malabuyoc tungod sa kadagku sa bawod .
Si Jorolan didto na nadagsa sa lungsod sa Samboan ug mao nay nitaho labot sa pagkamissing sa iyang kauban nga si Jadraque.
Facebook Comments
