San Miguel, Zamboanga del Sur – Gihaya karon sa Purok 7, Barangay Limonan, San Miguel, Zamboanga del Sur ang 46-anyos nga mananggiti human kining nahagbong sa lubi nga may gitas-ong 20 metros.
Alas 5:00 kagahapon sa buntag, nakit-an nalang sa mga residente sa lugar ang biktima nga si Nestor Alingasa, 46 -anyos, nga wala nay kinabuhi nga nagbuy-od sa puno-an sa lobi.
Nasayran nga ang trabaho biktima mao ang pagpananggot busa gitoohan kini nga nahagsa sa lubi nga iyang gisangutan nga misangko sa hinanali nga kamatayon.
Nakuha sa tugkaran sa lubi nga gihagbungan sa biktima ang usa ka sanggot ig-alabis ug sugong nga sudlanan sa tuba.
Facebook Comments
