Davao City – Gilayong gipatuman sa dakbayan sa Davao hangtod Disyembre 31, 2021 ang mandatory swabbing sa F1 , F2, F3 contacts sa mga nagpositibo sa COVID-19.
Gilagdaan ni Davao City Acting Mayor Sebastian Duterte ang Executive Order No. 20 series Of 2021 sa pagimplementar niini niadtong Abril 6, 2021.
Ang contact tracing team o District Health Office ang magdeterminar sa schedule alang sa swabbing. Mamahimong masilotan ilawom sa mga existing laws & ordinances sa dakbayan ang mga mosupak o dili mosunod sa maong probisyon.
Samtang, preparado na ang City Health Office kung adunay pagdaghan sa kaso sa COVID-19 sa dakbayan.
Matud ni CHO chief Dr. Ashley Lopez, posibleng mahitabo ang surge sa dakbayan ilabina kung adunay ma-detect nga COVID-19 variants.
“Anytime na, kung naay makasulod nga variants, mu-explode na. Maong nagbantay ta, continue ang atong vigilance maong intensive ang among surveillance karon,” sumala niini.
RadyoMaN Aimee Guinita
