Mando sa ‘Brgy. Matina Aplaya lockdown’ ginahulat pa

2087

Davao City – Nagpaabot na lang sa mando ang Opisyal sa Barangay Matina Aplaya ning syudad sa Department of Health (DOH-XI) ug kay Davao City Mayor Sara Duterte-Carpio kung ipailawom sa Barangay Lockdown ang ilang lugar.

Matud pa nga adunay pipila ka mga indibidwal ang nagpositibo sa maong lugar ug nagpadayon pa usab ang contact tracing sa usa ka tribung Badjao nga misibat gikan sa isolation facility sa mga gikahimamat niini sa Badjao Community sa Brgy. Matina Aplaya.


Segun ni Barangay Matina Aplaya Brgy. Capt. Nestor Cirunay, gi-isolate ug gi-confine na sa hospital ang mga identified positive sa lugar ug gibantayan na ang compound sa tribung Badjao sa ilang lugar.

Ingon ni Kapitan Cirunay, ang tanang desisyon mag-agad sa mando gikan sa mga Doctor ug City Government of Davao kung kinahanglang i-lockdown ang lugar.

Giklaro ni Kapitan Cirunay kung duna nay order ilang ipatuman ang lockdown.

RadyoMaN Paul Canono

Facebook Comments