Mangingisda, ginluthang-patay sa kalalawran nga sakop sang Pilar!

25

Pilar, Capiz – Patay ang isa ka mangingisda matapos ginluthang mga alas 11 sang aga sa kalalawran nga sakop sang Pilar Bay.
Ang biktima ang nakilala kay Romel Francisco y Degnadice, 26-anyos sang Barangay Natividad, Pilar, Capiz nga gindeklarar nga dead-on-arrival sang gindangat sa Jesus M. Colmenares District Hospital sa Balasan, Iloilo matapos ini ang nag-angkon sang pilas tuga sang pugakhang.
Suno sa imbestigasyon sang Pilar MPS, kaupod sa pagpangisda sang amu nga biktima si Sonny Boy Garcia y Barana, 50-anyos kag isa ka persona nga wala paghingadlan sang nag-abot ang suspek nga si Rodrigo Flores y Bacea, 44-anyos sang Brgy Guinticgan, Carles, Iloilo. Ginapahayag nga nagluntad ang komprontasyon sa mga ini angut sa nagakasamad nga “timingan” sang suspek.
Bangud sa masingki nga bayluhanay sang tinaga, ginluthang sang suspek ang amo nga biktima. Ginpalukpan man sini sanday Sonny Boy Garcia apang maswerte ini nga nakalumpat sa tubig.
Madasig nga nagpalagyo ang suspetsado nga sa subong ang padayon nga at-large.

Facebook Comments