Mangingisda nga na missing ko Sabado it gabii padayon nga gina usoy

37

(c) Andy Garcia Gencianeo
Buruanga, Aklan – Padayon pa makaron nga gina usoy rong sangka mangingisda na na missing umpisa Sabado it gabii sa kaeaeawran nga sakop it banwang Buruanga.
Ro nasambit nga mangingisda hay nakilaea kay Panfilo alyas “Pilo” Tandog Jr., 52-anyos ag residente it Brgy. Katipunan sa nasambit nga banwa.
Base sa report nga nagpaeawod sakay it baroto rong biktima ko Sabado it mga alas 6:00 rong gabii para magpangisda pero uwa ta raya naka uli.
Sa description it pamilya ro biktima hay naka jacket it itom, nakasaewae, maputi ag mga 5’7’’ rong kataason. Pagka aga nakita ro anang baroto sa tunga it eawod nga naka kueob ag uwa eot-a rong biktima.
Base sa panaysayon it gumankon kung biktima sa pakikipag-angot kana it RMN Kalibo pinaagi sa messenger, nasayuran nga samtang nagapangisda rong biktima hay may sumab-it sa eobid it angkla ag nagbueambod raya sa baroto nga sangka “manta ray” ukon mabahoe nga page hasta nga kumueob raya.
Bangud sa subrang kabahoe ko manta ray (page) hay maskin limang ka baroto indi raya kayang guyuron paadto sa binit rason nga gin disiyonan eon lang nanda raya nga ibalik sa dagat pero uwa gid makita rong biktima.
Samtang, nagpatigayon man it search and rescue ko adlaw nga dominggo ro mga taga MDRRMO Buruanga, Bantay Dagat ag Philippine Coastguard pero naging negatibo rong resulta.

Facebook Comments